Mga Bacolodnon, may ara bala kamo gina uyatan nga higko, dunot ukon gisi-on nga kwarta? Pwede ini mapa baylohan sa Piso Caravan sang Bangko Sentral ng Pilipinas (BSP)!

Ang kwarta gina tawag nga “unfit” kon ini yukot na kaayo, dunot, panas na ang printa, kag may higko ukon may mantsa. Ang “mutilated” naman amo ang kwarta nga may mga gisi, buslot ukon guba na.

Sa mga gusto magbukas sang account sa bangko ukon e-wallet, may ara mga financial service providers nga maga patigayon sang account opening. May ara man financial learning sessions para sa may gusto sang dugang nga ihibalo naangot sa kwarta.

Kit-anay ‘ta sa Hunyo 8 sa SM City Bacolod tubtob Hunyo 9 sa Barangay Villamonte Covered Court, halin alas diyes sang aga tubtob alas singko sang hapon!
(Source: Bangko Sentral ng Pilipinas FB page, Bacolod City Public Information Office)