Personal nga gin hatag ni Bacolod City Mayor Albee Benitez ang cheke nga nagabalor P100,000 halin sa Bacolod City Government pinaagi sa DSSD sa isa ka benepisyaryo sang siyudad sa ila programa para sa mga centenarian.

Ginhatag ang cheke kay Constancia Prudente Paclibar sang Purok Tahong, Barangay 2 nga naga edad 100 years old.

Si Lola Contancia gin nabata sang January 22, 1922, kag may ara siya 16 ka mga bata, apang anom na lang ang nagakabuhi subong.

Siya ang ika-lima nga nagbaton sang amu nga cash grant sini nga tuig.

Ang Republic Act No. 10868, ukon ang Centenarians Act of 2016, amu ang layi nga gahatag P100,000 sa isa ka Filipino nga naglab-ot 100 ang edad, may kaupod ang cash gift nga felicitation letter halin sa presidente.

Birth Certificate, Marriage Contract, Office of the Senior Citizen Affairs (OSCA) Identification card, Barangay Certification, kag Birth Certificate sang duwa ka pinakatigulang nga bata ang mga kinahanglan para mag apply sa centenarian cash grant.

(Source: Bacolod Public Information Office)