Oktubre 5, 2023 – Sa pagpanguna sang Department of Social Services and Development (DSSD), padayon ang pagpanagtag sang Assistance to Individuals in Crisis Situation (AICS) sa 2,000 ka mga benepisyaryo subong nga adlaw sa BCC Activity Center.

Kaupod sang DSSD ang mga katapo sang DSWD, Sectoral Office, kag POSO.

Ang AICS ginalakipan sang bulig pinansyal sa Medical, Burial, kag iban pa. Ini na ang ika-anom nga pay-out nga ginpatigayon sang siyudad nga kung sa diin nagsugod sang Setyembre 15 sa amo man nga tuig.

Sa dugang, nakabaton ang tagsa-tagsa ka mga benepisyaryo sang balor Php 2,000 tubtob Php 10,000 bulig pinansyal na nakadepende sa sitwasyon ukon mga dokumento nga ginpasa. Magasige ang tagtaganay asta alas 3:00 sang hapon.

(Source: Bacolod City Public Information Office)