Katorse sa atun mga Bacolodnon Eco-Warriors ang nagdaug sang 5 ka-kilo nga bugas sa tinalikdan nga semana, Valentine’s week sang Pebrero 11 tubtob 17, ini sa Basuraffle nga ginpatigayon sang IPM-CDC.

Dupang pa, ang Barangay 13, 14, Banago, Vista Alegre, Bata kag Mansilingan ang amo may yara na IPM-Materials Recovery Facility (MRF) nga pwede na sa gilayon makadtuan kag mapabayluhan sang mga residente para sa tsansa maka-agum sang padya nga bugas.

Gani, 𝗠𝗔𝗚𝗣𝗔𝗕𝗔𝗬𝗟𝗢 na sang inyo basura para sa tsansa magdaog!

Para 𝗠𝗔𝗞𝗔-𝗜𝗡𝗧𝗥𝗔:

1. Ibutang ang basura sa insakto nga sinudlan (ie. garbage bag, sack)

2. Magkadto sa IPM-MRF Centers (Barangay 13, 14, Banago, Vista Alegre, Bata ukon sa Mansilingan)

3. Magpahimo sang bXTRA account sa IPM-MRF center

4. Ipabaylo ang guindala nga basura

Mga basura nga ginabaton: Basura sa balay, opisina, restaurant kag iban pa. Sa kada 1-kilo nga basura, maka-agum ikaw sang 1 Digital Raffle Entry. Pito (7) ang magadaug kada semana.

Ang amu nga papremyo nagsugod Pebrero 6 tubtob Marso 3 kag Sabado asta Biyernes ang collection schedule. Ini tanan sa inisyatibo sang IPM-CDC.

Padayon man ang BEST’s My Basurero Eco-Community Center (MBE-C) nahamtang sa back entrance sang Bacolod Government Center para sa inyo mga recyclable nga basura nga pwede mapabayluhan sang nanari-sari nga kinahanglanon.

Hibalon natun ang Clean It, to Win it (CITWIT) program, i-click ang https://qrco.de/ipmcdcbacolod

(Source: Bacolod City Public Information Office)

Share Post