June 20, 2023- Ginpangunahan ni Councilor Celia Flor ang pagsinapol sang mga animal advocates, kaupod ang City Veterenarian Office, BCPO, DEP-ED kag mga tiglawas sang mga Barangay angut sa Animal Welfare Program sa SP Session Hall sang Bacolod Government Center.

Ang mga animal advocates amo ang: InSPYRED, Pawssion Project, B.A.R.K (Bacolod Aspin Rescue Kennel), CARE (Community Animal Rescue Efforts), BACH Project PH, Fur Haven Rescue Sanctuary kag Animal Kindness ang nagtililipon man agud mahatagan sang solusyon ang problema sang pumuluyo sang kada barangay sa mga layaw nga ido kag kuring.

Yari ang mga solusyon nga rekomenda sang ALAGA.BCD

1. Libre Kapon Program/Free Spay and Neuter

2. Animal Welfare Awareness Educational Campaign para sa mga Barangay, PNP, Subdivision homeowners orientation, Schools, Private and Public

3. Rehabilitation and Recreation Park for Dogs amd Cats (impounding and killing of dogs is not a solution)

4.Alaga BCD Animal Welfare Complaints Station

5. Adoption Drive

Ini para matuman ang ila ginahingyo nga mangin isa ka Animal Friendly City nga may mga Responsible Pet Owners ang siyudad sang Bacolod.

Suno man kay Police Lieutenant Colonel Edel Jose Manzano, magahimo man sila sang Animal Welfare Help Desk sa ila opisina.

Sa Karon maga presentar naman si Councilor Celia Flor sang isa ka resolusyon kaupod ang tanan nga barangay nga dapat may mga dog park ang kada barangay kag ang mga pumuluyo sini ang magapatigayon sang donation drive agud makabulig man sa siyudad sang Bacolod.

Sa Karon, magapatigayon man sang Libre Kapon sa 100 ka mga ido ang Alaga.BCD sa bulan sang July. Aton bantayan ang iban nga detalye sa City Veterinary Office kag BCD PIO Facebook Page

(Source: Bacolod City Public Information Office)