Sa handom ni Mayor Albee Benitez nga siguraduhon ang mahugot nga seguridad kag katawhayan sang siyudad, gin lunsar sang Bacolod City Police Office (BCPO) sa pagpanguna ni PCOL Noel Aliño ang DIAL-B sang tinalikdan nga adlaw, Mayo 30, 2023.

Ang DIAL-B amu ang programa kung sa diin may ara na sang isa ka emergency hotline sa tunga sang mga Chief Tanods diretso kay PCOL Aliño.

Pama-agi sa DIAL B mas mapat-od ang madasig nga pagresponde sang aton kapulisan batuk sa mga reklamo kada barangay labi na sa mga krimen kag mas mahapos na ang pagpangayo bulig sa ila.

Dugang pa ang DIAL-B amu ang mas mapabakod sing pag-inupdanay sang kapulisan kag mga opisyales sa barangay diri sa siyudad.

61 ka mga cellphones kag registered sim cards ang ginpanghatag sa mga Chief Tanods agud mas mahapos saila mag kontak sa mga kapulisan.

Kumpleto man ang 61 ka mga Barangay Chief Tanods sa pag tililipon.
(Source: Bacolod City Public Information Office)

Share Post