Ang Bangko Sentral ng Pilipinas (BSP), sa bulig sa siyudad sang Bacolod, naghiwat sang financial literacy seminar subong nga Lunes, Marso 13, sa Libertad Public Market para sa pagpatigayon sang Paleng-QR PH nga tuyo ang mahilway kag mahapos nga pagbaligya kag pagpaninda.

Malapit sa 200 ka manugbaligya, miyembro sang Tricycle Operation and Driver’s Association (TODA), kag Micro, Small, and Medium Enterprises (MSMEs) ang nagtambong sa nasambit nga seminar.

Digital financial literacy, national retail payment system, electronic financial transfer facilities, e-payment services, benefits of e-wallet and QR code, financial consumer protection kag overview of PalengQR-PH amu ang dala sa paghinun-anon.

Ang ini nga aktibidad amu man sa pagpanikasog sang GCash, PayMaya, CoinsPh, Landbank, RCBC, kag Palawan nga nakigbahin man sa pag-edukar.

Tuyo ni Mayor Albee Benitez kag sang BSP nga matudluan ang kadam-an sang importansya sang digital payments nga makabulig pahapos sang negosyo.
(Source: Bacolod City Public Information Office)