June 24, 2023 – Sa pagsaulog sang piyesta ni San Juan Bautista sa Barangay Pta. Taytay sa sini nga adlaw, Sabado, naghiwat sang joint Bay Watch Operation ang nagkalainlain nga mga rescue operations sa siyudad.

Madamo ang nagbuylog sa mga baybayon para iselebrar ang kapyestahan, apang ang Bacolod City Disaster Risk Reduction and Management (BCDRRM) Head Dr. Anna Maria Laarni Pornan kaupod ang BCDRRM team ang nagbisita para maghatag assistance sa mga guin-deploy nga team sa Punta Taytay para sa pagoperar sang “Bay Watch 2023”

Ang ini nga aktibidad ang guin-updan sang Bacolod City Police—sa pagtukod sang Police Assistance Desk— Bureau of Fire Protection, Philippine Coast Guard, Philippine Red Cross Negros Occidental, Bacolod City Chapter—sa pagbutang sang First Aid Station— Mountain Tigers, Raptors, VMA Cagers Rescue Volunteers, Community Extension and Development Office-KAPAWA, PAVERCOM, kag mga Life Guards sang Villarosa Beach.

Tuyo sang sini nga beach watch nga magbantay sa kahimtangan kag pagprotektar sa mga nagakadto sa baybayon nga nagaselebrar sang kapiyestahan ukon sa mga nagaliwa-liwa man kaupod ang ila mga pamilya.
(Source: Bacolod City Public Information Office)