![](https://bacolodcity.gov.ph/wp-content/uploads/2022/11/313930759_196874652846989_3032550248380142829_n-1024x1024.jpg)
ππππ’ππ’π πππ’πππ₯π π¨π£πππ§π. Nakita nga positibo sa bacterium nga Vibrio cholerae ang isa ka bubon (public dug well) sa Purok Luhod Luhod, Barangay Mandalagan kag madasig ini nga ginpasira sang City Health Office (CHO) para maamligan ang mga pumuluyo.
Ang kada barangay sang siudad maukod man sa pag-chlorinate sang tagsa tagsa nila ka mga bubon kag bomba (artesian well).
Sa bulig man sang Research Institute for Tropical Medicine (RITM), nagabantay ang Bacolod City government kag CHO pamaagi sa laboratory test nga regular nga gina obra sa water samples nga ginakuha sa tanan nga mga barangay agod matapna ang Cholera.
Para maluwas sa sakit, likawan nga mabulad ang inyo mga tubig sa sanag sang adlaw, pabukalon 3-5 ka minuto ang mga ilimnon sa inyo balay kag dapat permi ini ginatakluban kag imnon lamang sa sulod sang 24 hours, tinluan ang mga kubyertos kag hugasan sang insakto ang mga pagkaon bag-o ihanda, mag-ehersisyo kag mangin matinlo sa lawas agod matapna ang Cholera.
Hindi pagkalimti ang πͺππ¦π: πͺater, πsk assistance from Barangay for chlorination of water source, π¦anitation kag πygiene.
Ginahingyo man ang tanan nga magbakal lamang sa mga water refilling stations nga may yara updated business permit para sigurado ang matinlo nga kunsumo sang tubig, i-check diri: https://bit.ly/Refilling2022BusPermit
Mangin alisto, ipaambit sa iban ang mga tikang para sa ikaayong lawas kag padayon kita nga mangin mabinantayon sa katalagman sang Cholera.
(Source: Bacolod City Public Information Office)