April 22, 2024- Bacolod City naghiwat sang Tricycle Operators and Drivers Associations (TODA) Solidarity Celebration nga may tema “Strengthening the Program through Seminar and Education” kaupod ang mga opisyales sang mga operators associations sa nagkalain lain nga mga barangay sang siyudad.

Ginpangunahan ni Mayor Albee Benitez ang pagpanumpa sang 30 ka mga TODA associations officers sini nga aga sa Bacolod City Government Center, lobby.

Ang ini nga selebrasyon ang may kaangut sa pagimplementar sang City Ordinance No. 391, Series of 2020.

Nagpakigsapol man si Mayor Albee sa mga tiglawas sang tricycle drivers kag mga operators associations agud mahatagan solusyon ang mga problema nga dugay na gina atubang sang TODA angut sa mga colorum nga mga tricyle, etrike kag ebike sa siyudad sang Bacolod.

“Ang dako ni nga problema, isolve ta gid ni ky indi ni basta basta lang matapos sa isa ka pungko. Mapatawag ko public hearing kaupod ang mga opisyales sang kada associations para istoryahan ang mga policy kg regulations nga itukod para maplastar ang mga Toda Associations sang kada barangay sa siyudad sang Bacolod”, ini suno ky Mayor Albee Benitez.

Nagsabat man sa mga pamangkutanon nanday BTAO Head Patrick Lacson kag BTAO Deputy Staff Jose Antonio Robello. Yara man ang presensiya nanday Sectoral Head Ms. Carmeli Bantug Zayco and Special Assistant to the Mayor Engr. Mae Cuaycong.
(Source: Bacolod City Public Information Office)