Sa pagpaindis-indis sa “Miss Bacolod MassKara 2023: The Grand Coronation Night” sadtong Oktubre 16, tatlo luwas sa 15 nga mga lin-ay ang nangin madinalag-on sa University of St. La Salle Coliseum.

Ginkoronahan nga Miss Bacolod MassKara 2023 ang Candidate #15 nga si Yvonne Catamco, ginsundan sang Candidate #3 Tracy Mae Sunio bilang 1st runner-up kag Candidate #10 Eli Rose Elola bilang 2nd runner-up, kung diin sila ang automatic nga mag-intra sa local kag national pageant sa mga palaabuton nga mga binulan.

Ginpangunahan ang nasiling nga koronasyon ni Mayor Albee Benitez kaupod si First Lady NIkki Benitez, Mayor Javi Benitez kag Miss Sue Ramirez. Yara man sa nasambit nga okasyon ang mga Bacolod City Councilors nga nanday Thaddy Sayson, Ising Salanga, Cindy Tan-Rojas, Em Ang, Al Espino kag Jason Villarosa kag Celia Flor. Ang Bacolod Yuhum Foundation nga gin pangunahan sang ila Presidente Catherine Matiling kag MassKara Festival Chairman Joji Dingcong, kag iban pa nga mga dinapit nga bisita.
(Source: Bacolod City Public Information Office)