Kinse ka mga kandidata para sa Miss Bacolod Masskara ang nag atubang sa mga katapo sang media sa lobby sang Bacolod City Government Center, sini nga adlaw Setyembre 15.

Sila amu kanday Jhela Mae Velasco, Helcie Jamili, Chattea Cajucson, Franches Anne Laquibla, Yvonne Catamco, Jan Marie Bordon, Frances Marie Monsale, Kara Daniela Villarosa, Alyssa Marie Villanueva, Alexandria Margarette Colmenares, Eirine Juliane Granada, Sandale Masangcay, Kristel Mae Nacionales, Janine Gelera, kag Teresa Brunner.

Sila gin tambungan nila Bacolod City Mayor Albee Benitez, MassKara Festival 2022 Director Atty. Pinky Mirano-Ocampo, Miss Bacolod MassKara Chairperson Carlos Durana, Pageant Director Rodney Mitz Ascalon, kag mga City Councilors.

Nanari-sari nga mga pamangkot ang ila gin sabat may angut sa ila personal nga handum, adbokasiya, ngaa sila ang dapat koronahan kag iban pa nga nag pakita sang kalidad sang ila personalidad kun bala takus kag angay nga mangin Miss Bacolod Masskara.

Tatlo ka mga korona ang nagahulat sa mga kandita kasubong ang Miss Bacolod International nga may P80,000, Miss Bacolod World nga may P100,000 kag Miss Bacolod Universe nga may P150,000 cash prize.

Dugang pa gid ang mga premyo parehus sang P30,000 para sa 2nd runner up, P50,000 sa 1st runner up kag sponsorship prizes.

Pagahiwaton ang coronation night sa Oktubre dise-nuebe, ala sais sang hapon sa University of St. La Salle Coliseum.
(Source: Bacolod Public Information Office)

Share Post