Agosto 4, 2023 – Biktima sang sunog sa 12 ka mga barangay nga may 89 ka mga pamilya ang nakabaton sang bulig pinansyal kagina sang hapon sa Brgy. 7 Covered Court.

Sa idalum sang programa sang Department of Social Welfare and Development (DSWD) kaupod ang Bacolod Government kag sa bulig man ni Senator Bong Go,nakabaton ang nasambit nga 89 ka mga pamilya sang Php 10,000 AICS, snacks kag mga give-aways parehu sang tshirts, mga bola, kag magnetic phone holders.

Ang 12 ka mga Barangay nga naapektuhan sang sunog amo ang Brgy. 7, Brgy. Banago, Brgy. Granada, Brgy. Taculing, Brgy. 27, Brgy. Vista Alegre, Brgy. Estefania, Brgy. Singcang, Brgy. Handumanan, Brgy. Alangilan, Brgy. 35 kag Brgy. Cabug.

May yara man sang duwa ka maswerte nga indibidwal nga nakabaton sang brand new cellphone kag sapatos.

Yara man sa kahiwatan ang presensiya ni Councilor Thaddy Sayson, Councilor Derek Palanca sang siudad sang Victorias, Brgy. 7 Punong Barangay Hercy Sibug kag representante sang DSWD.

Tinutuyo sang sini nga kahiwatan nga mabuligan ang mga pumuluyo nga nagakinahanglan kag naapektuhan sang mga kalamidad parehu sang sunog.

(Source: Bacolod City Public Information Office)