August 11, 2023 – Inspeksiyon sang mga business permits sang 24 ka mga establisyemento sa Lacson St. guin patigayon kaupod ang mga katapo sang Business Permits and Licensing Office (BPLO), Department of Social Services Division (DSSD), City Legal Office, kag Police Station 2.

Sa nasambit nga pag-usisa, 17 diri ang wala sang permits kag guin-serbehan sang 1st Notice nga mag proseso sang kinahanglan nga dokumento, 3 naman ka establisyemento ang guin pasakaan sang 2nd notice of violation, kag 4 lamang ang may yara sang may kompleto nga papeles kag business permits.

Tinutuyo sang sini nga operasyon nga matukiban kun legal bala kag may mga permits sang mga bars kag kalan-an nga naga serbe sang makahulubog nga ilimnonn, apang ang DSSD naman ang nagupod agud manaway kag magkuha sang mga menor-de-edad nga naga inom, tungod bawal ang pagserbe sang mga ilimnon sa mga pamatan-on.

Wala man sang mga menor-de-edad nga nakita sa mga guin-inspeksiyon nga mga lugar; sang nagligad semana naghiwat man sang kaangay nga operasyon sa dalan Lizares.

(Source: Bacolod City Public Information Office)