September 16, 2022- Napatigayon na ang una nga workshop sang bag-o patukod nga Public Assistance Desk sa Bacolod City Government Center (BCGC).

Ang City Human Resource Management Services (HRMS) amu ang nagpanguna sa “Effective Customer Service Workshop” para sa mga nagakalain-lain nga staff sang kada departamento sa BCGC.

Yara sila ni Atty. Pacifico Maghari III ang aton City Administrator kaupod si Mr. Erman Aguirre nga Head sang Human Resource Department kag si Ms. Jan Bethel Alson, Human Resource Management Officer I nga amu man ang resource person sa workshop.

May ara 23 ka staff nga nagtambong sa workshop halin sa Public Affairs and Assistance Division (PAAD), Department of Social Services Development (DSSD), Department of Public Services (DPS), City Treasurers Office (CTO), Office of the City Civil Registrar (OCCR), City Engineer’s Office (CEO), Office of the Buildidng Official (OBO), Bacolod Traffic Authority Office (BTAO), Bacolod City College (BCC), kag Commission on Population and Development (POPCOM).

Gin istoryahan sa workshop ang “Fundamental Skills in Building Customer Satisfaction” bangud luyag gid nga ipaintinde ni Ms. Alson ang importansiya sang maayu nga pagtatap kag pag-istorya sa mga pumuluyo sang siyudad kung sila gapangayo bulig diri sa BCGC.

Suno naman kay Mr. Aguirre una palang ini nga tikang sa tinutuyo sang administrasiyon ni Bacolod City Mayor Albee Benitez nga pagpabakod sang Republic Act No. 9485 (Anti-Red Tape Act) kag ang paghanas sa frontline public service sing maayu para sa manami nga pag inirupay sang mga empleyado sang BCGC kag mga pumuluyo sang siyudad nga naga kadto diri.
(Source: Bacolod Public Information Office)