Nagdaog bilang Electric MassKara champion ang barangay 17 sa natapos nga Float & Dance-off Competition sa Bacolod City Government Center, Oktubre 22.

Ginpadyaan ang Barangay 17 sang 300,000 pesos bilang dance-off champion kag 20,000 pesos matapos ini nagdaog man sa Best Float nga nagparada sugod sa dalanon sang Megaworld Upper East asta BCGC.

Dugang sa mga nagdaog ang Barangay 25, first runner up nga nakakuha sang premyo nga 200,000 pesos kag Barangay 32, second runner up nga may yara 150,000 pesos.

Dinapit nga mg hurado amo kanday Tim Yap, Hayden Kho, Dr. Vicky Belo, Alodia Gosiengfiao, kag Maricris Zobel.

Kaupod ni Mayor Albee Benitez sa pagtambong nanday Victorias City Mayor Javi Benitez, First Lady Atty. Liza Araneta-Marcos kag iya mga bata nga si Ilocos Norte 1st District Representative Sandro Marcos kag Vincent Marcos.
(Source: Bacolod City Public Information Office)