Setyembre 19, 2023 – Aktibo nga nagpakighambal si Mayor Albee Benitez sa mga katapo sang Local School Board para sa katuyuan nga maghatag sang solusyon kag bulig sa mga nanari-sari nga mga butang nahanungod sa pag-aman sang maayo nga edukasyon sa mga estudyante subong nga adlaw sa City Mayor’s Office, Bacolod City Government Center.

Kaupod ni Mayor Albee Benitez nanday City Engineer’s Office Engr. Loben Ceballos, Atty. Marty Go, City Budget Head Imelda Williams, DepEd Bacolod representatives OIC-Schools Division Superintendent Reynaldo G. Gico, Administrative Officer Elizabeth Malaga, Legal Officer Atty. Jubert Katalbas.

Yara man sa miting ang mga katapo halin sa Bacolod City National High School (BCNHS) kag nagdaog sa 31st PH Annual Biodiversity Symposium na nanday Eia Tillana nga ginkilala bilang Best High School Student Poster Presentation Award kag Jerelle Espinosa nga ginkilala man bilang Best High School Student Oral Presentation Award. Kaupod man nila ang manugtudlo na si Joey Ian Singson nga napilian kaupod ang apat pa gid ka mga manunudlo halin sa nagkalain-lain nga pungsod sang Pilipinas na maging opisyal nga representante sa pagahiwaton nga Nobel Prize Teachers’ Summit sa Stockholm, Sweden. Sa Setyembre 25-29.

Sa dugang, isa sa mga topiko ang nasturyahan pareho sang plano nga mga repairs sa mga nanari-sari nga mga eskwelahan.
(Source: Bacolod City Public Information Office)