Agosto 22, 2023 – Sa suporta kag pag-giya ni Mayor Albee Benitez, nagpatawag sang miting ang mga katapo sang Bacolod City Disaster Risk Reduction and Management Council (BCDRRMC) para maghingyo sang realignment sang trust fund sa City Council nga magaresulta sang mas epektibo nga Disaster Preparedness sang siyudad.

Yara sa nasambit nga miting nanday Councilors Thaddy Sayson kag Pao Sy, LDRRMO III Administrative and Training Section Chief Eunice Ciocon, Bacolod City Disaster Risk Reduction Management Office (BCDRRMO) Head Dr. Anna Pornan, City Engineer’s Office Engr. Loben Ceballos, kag Department of Public Services (DPS) Administrative Officer IV Ma. Fe Trespuentes

Naghatag ang pagtipon sang oportunidad nga ipabalo ang mga problema nga ginaatubang sang DRRMO sa ila pag responde sa mga insidente kag kalamidad pareho sang kabudlay magsulod sa mga congested nga mga barangay.

(Source: Bacolod City Public Information Office)