Kaupod si Mayor Alfredo Abelardo Benitez kag mga partnered hospitals gikan sa siyudad sang Bacolod, ginpirmahan nila ang Memorandum of Agreement (MOA) para mapatigayon ang Bacolod City Comprehensive Health Program (BacCHP).

Sila Dr. Christine Marie Puey sang Metro Bacolod Hospital and Medical Center kag Cherry Pink Nonato sang South Bacolod General Hospital ang nagripresintar kag nagpirma sa MOA.

Gintambungan ni SP Chairman Committee on Health, Claudio Jesus Raymundo “Kalaw ” Puentevella, mga konsehal sang siyudad nanday Hon. Thaddy Sayson, Hon. Vladimir Gonzalez, Hon. Kalaw Puentevella, Hon. Jason Villarosa, Hon. Celia Flor kag BacCHP focal persons ang nasambit nga MOA signing.

Dugang sa hilikuton ang paghaylo ni Mayor Benitez sa iban pa nga mga pribado nga ospital nga makigbahin sa maayo nga tuyo sang proyekto.

Pagkatapos sina ginsundan ang pagpirma sang MOA kaupod ang Bacolod City Government kag Negrense Volunteers for Change Foundation nga gin representar ni Ms. Millie Kilayko and Mrs. Tima Lacson, para sa pagpatigayon sang Mingo Meals Nutrition Program nga kabahin sang Promotive phase sang BacCHP .

Nagtambong ang Angat Buhay Foundation, City Health Office, City Department of Health Office, Urban Basic Services Division kag Bacolod City Nutrition Committee sa pirmahanay.

Ginsundan ang duwa ka MOA signing sa pag atubang ni Mayor Benitez sa media kaupod ang iya sabat sa mga pamangkot nga may angot sa BacCHP, truth commission, national tax allotment kag iban pa.
(Source: Bacolod Public Information Office)