Agosto 24, 2023 – Nagturnover ang Overseas Workers Welfare Administration (OWWA) sang tseke nga nagabalor 10,000php sa Bacolodnon scholars nga nanday Sherry Grace N. Maestre kag Kaye L. Lusabia sini nga aga sa City Mayor’s Office.

Ang nasiling nga scholarship fund sa idalum sang Education and Training Assistance amo ang OFW Dependent Scholarship Program (ODSP), kung diin nagatalana sang partikular nga bulig pinansyal kada school year para sa mga nagakalain-lain nga mga iskolar sa bug-os nga probinsya.

Gintambungan ang ini nga turnover nanday OWWA OIC Regional Director Rizza Joy M. Moldes, OWWO II/Focal Person Marbie Anne C. Ascaño, kag Executive Assistant IV Carmeli Bantug-Zayco.

(Source: Bacolod City Public Information Office)