17 ka mga barangay ang nagpaindis-indis sa pagsaot kag pagrampa sa ginhawat nga 43rd Masskara Festival Costume and Mask Parade sang Miyerkules, Oktubre 5, sa Robinson’s Place Bacolod.

Ang mga representante ang nagpakita sang ila nga mga street dance costumes kun sa diin ang mga katapo sini nga mga barangay ang naghinugyaw sa pag suporta sang ila mga representante.

Kalakip nga mga barangay ang maga-intra sa street dance arena competition amo ang Barangay 40, 27, 35, 26, 31, 12, 34, 14, Tangub, Alijis, Singcang-Airport, 7, 22, Estefania, Sum-ag, Granada, kag Alangilan.

Ang padya para sa champion nga barangay sa streetdance competition ang magabaton sang balor nga 1 Million Pesos.

Ini ang una nga masskara festival nga maga hatag sang madako nga balor sang papremyo.

Sa amo man nga adlaw nagbukas ang Masskara Festival Costume and Mask exhibit sa 2nd floor sang amo nga mall.
(Source: Bacolod City Public Information Office)