June 13, 2023 — Padayon ang diskusiyon kag orientation sang Department of Agriculture (DA) Region 6 sa siyudad sang Bacolod nahanungod sa African Swine Fever (ASF) sa Bacolod City Government lobby.

Yara man ang presensiya sang mga Baragay Biosecurity Officers (BBO’s) kun sa diin sila ang padayon nga ginpaidalum sa seminar angut sa ASF.

Sa subong padayon nga nagahatag pahanumdom ang mga tiglawas sang Department of Agriculture sa mga barangay sang siyudad tuhoy sa ila mga importante nga himoon agud malikawan ang ASF labi na sa ila mga backyard raisers.

Ginpaathag sang Department of Agriculture ang importansiya sang mga barangay para makabulig sa mga hog raisers agud malikawan ang ASF sa ila mga gina sagod nga baboy.

Ginhatagan gid daku nga punto sang DA nga ang mga nayon kag baktin amu gid ang madasig nga iguon sang ASF amu na sila gid ang dapat bantayan kag halungan.
(Source: Bacolod City Public Information Office)