Sa pag-obserbar sang Flag Day sang siyudad, nagpadayon ang programa sang hapon alas kwatro sang Mayo 28, 2023.

Guintambongan ni Bacolod City Mayor Albee Benitez ang nasambit nga kahiwatan, suno pa kay Mayor Albee ang bandera sang pungsod ang isa ka simbolo nga dapat tagaan sang importansiya kag katahuran, kay ini ang nagapahanumdom sa aton maragtas nga kita isa ka matuod-tuod nga Pilipino.

Sa amo man nga okasyon, guinhiwat ang paghatag katahuran sa mga dumaan kag naguba na nga mga bandera, ini ang gin sunog kag guinlubong sa pag obserbar sang layi nga Republic Act 8491, Section 14 nga ang mga daan kag guba na nga mga bandera and indi dapat paghaboy, kundi ini dapat sunugon kag ilubong.

Guinpangunahan ini ni Mayor Benitez, kaupod ang konsehales sang siyudad Councilors Simplicia Distrito kag Renecitio Novero, Bacolod City Flag Day Coordinator Ret. PBGen Primitivo Tabujara, Jr., Executive Assistant Nancy Descutido, SP Archivist Maruja Abayon, kag ang mga katapo sang Philippine National Police, Boys Scout of the Philippines kag Girls Scout of the Philippines.

Ang ini nga kahiwatan ang guin ugyunan man sang Bacolod Traffic and Authority Office, kag Rotaract Club of Metro Bacolod.
(Source: Bacolod City Public Information Office)