November 17, 2022 – Mayor Albee Benitez nagmiting kaupod ang mga operators sang traditional jeep sa Masskara Hall sang Bacolod City Government Center.

Ginhiwat kagapon ang diskusiyon nga may kaangot sa modernization program sang LTFRB, ceasefire sa dakpanay sang kolorum nga jeep diri sa siyudad kag mga reklamo sang mga traditional jeepney operators.

Yara man sa miting si Vice Mayor El Cid Familiaran kaupod kanday Councilor Thaddy Sayson, Concilor Al Espino kag Councilor Pau Sy.

Sa Miting, gin hingyo sila ni Mayor Albee nga maghimo sang isa ka official statement kung sa diin ibutang nila ang tanan nga ila gusto ipaabot sa LTFRB parte sa modernization program kag dapat permahan sang tanan nga traditional jeepney operators.

Sini nga hapon ila na gin sumite ang ila official statement kay Mayor Albee, kag pila sa ila mga suhestyon amo nga kun tani pahanugutan man sang LTFRB nga indi kinahanglan mag porma sang kooperatiba ukon mag intra sa isa ka korporasyon para maka kuha sang franchise ukon permit kag selective ukon pili-on lang anay ang areas sa pungsod kung diin kinahanglan gid ang strikto nga pag-implimentar sang sini nga programa.

Ang ila mga isyu pagadal-on bwas ni Mayor Albee sa iya meeting kaupod ang LTFRB kag LTO.
(Source: Bacolod City Public Information Office)