Sang nagligad nga adlaw June 3, 2023 nangin madinalag-on ang programa sang siyudad nga gin pangunahan sing Public Affairs and Assistance Division (PAAD) nahanungod sa Coastal Clean Up/Proper Waste Segregation and Disposal.

Ang Brgy. Banago amu ang gin hiwatan sang launching coastal clean up bangud ini ang may pinaka-damo nga natipon nga mga basura sa higad baybay.

Sa kada sako nga matipon sang pumuluyo sang Banago may ara ini baylu nga tatlo ka kilo nga bugas.

May ara 640 ka pamalay nga nag partisipar sa coastal clean up halin sa Mahimulaton Homeowners Association, Inc.

Ini nga programa magapadayon sa iban pa nga bahin sang siyudad agud mapalapta ang importansiya sang disiplina kag pag-amlig sa aton palibot labi na sa mga basura nga galab-ot sa aton baybay.
(Source: Bacolod City Public Information Office)