Sa Mass Wedding nga gin patigayon sini nga hapon sang Marso 2 sa courtyard sang BCGC takna 2:30, nangin madinalag-on si Alvin Mallorca kag Ereca Pugalas. Ang 10 ka tuig nga mag-live in karon mag-asawa na ang residente sa Purok Tangigue, Brgy. 1 kag may yara 2 ka kabataan. Tuman nga ginkalipay sang mag-asawa sang sila ang maswerte nga napili-an sa pa raffle ni Mayor Albee pagkatapos sang seremonya kag nag da-og sang balor nga P50,000 kag isa ka sakayan pangdagat halin kay MABB.

Duha pa gid ka masuerte nga pares nga nanday Alvin Padilla kag Pearnchend Peña kag Peter Parcon kag Gena Babac ang nagpuli sang P20,000 kag P30,000.

Dose ka pares ang gin kasal ni Mayor Albee Benitez sa tuigan nga Mass Wedding sa Bacolod nga gin tambungan man ni Vice Mayor El Cid Familiaran, Councilors Em Ang, Ising Salanga, Renato Novero, Simple Distrito, Jason Villarosa, Pao Sy, kag Dana Barzo.

(Mass Wedding Photos iga-post namon sa Lunes, Marso 4)
(Source: Bacolod City Public Information Office)