January 19, 2024-Naghiwat sang isa ka water summit ang siyudad sang Bacolod nga gin pangunahan ni Mayor Albee Benitez kaupod ang BACIWA-Primewater, mga Bulk Water Suppliers, Local Government Units (LGU’s) sang Murcia, Bago kag Talisay kag ang Local Water Utilities Administration (LWUA) agud paga istoryahan ang problema angut sa kakulangan sang tubig sa siyudad.

Ginahingyo ni Mayor Albee na aksyunan ini sang Primewater Construction Corporation para mahatagan sang 24/7 nga water supply ang Bacolod.

Gin klaro man sang Primewater nga isa sa dako nga problema nila amo ang kakulangan sang supply sang tubig. Magapadayon naman sa gihapon ang ila ginahimo nga flushing kag air scouring sa mga distribution pipe line para mangin matinlo ang ila gina supply na tubig na amo ang masami gina reklamo sang mga pumuluyo sang Bacolod.

Dugang pa nila, ila man ginhambal na kinahanglan pa nila sang additional 20 MLD para mangin 24/7 ang water supply sa siudad.

Magahatag naman ang Bacolod Bulk Water Inc. (BBWI) sang 15 MLD kag ang dugang nga 5 MLD amo ang maga halin sa Spring Water sa Alangilan kag ini man ang pagasuportahan ni Mayor Albee kag sang siyudad.

Yara man sa kahiwatan nanday Councilors Kalaw Puentevella, Vladimir Gonzales, Simple Distrito, Pao Sy, Dana Cuaycng, City Legal Officer Atty. Romeo Carlos Ting Jr., kag LEDIPO Head Dr. Frances Mae Llamas.
(Source: Bacolod City Public Information Office)