Guinhiwat ang National Flag Day sa Rizal Park, siyudad sang Bacolod, sa subong nga adlaw alas 7:30 sang aga.

Guinbuylugan sang Department of Education Division of Bacolod City, Boy Scouts of the Philippines—nga nagpanguna sa pagparada sang Philippine National Flag— NOHS brass band—sa pagtukar sang Philippine National Anthem—nga gina panguluhan ni Dexter Acuña, kag Girl Scouts of the Philippines.

Sa amo man nga panag-on nagdala naman sang mensahe ang Presidente sang Liga ng mga Barangay, Councilor Lady Gles Gonzales-Pallen, nagdul-ong man sang mensahe ang Bacolod City Flag Day Coordinator, Peace and Order Security Office (POSO) Chief Ret. PBGen Primitivo Tabujara, Jr.

Guinahingyo sang sini nga kahiwatan nga ang tanan nga mga departamento sang gobyerno sa siyudad, ahensiya, opisina, kag mga korporasyon nga guina panag-iyahan sang gobyerno nga mag display ukon magbandera sang National Flag sumugod Mayo 28 tubtob Hunyo 12 sa tanan nga pampubliko nga mga buildings, institusyon, kag mga panimalay sang mga opisyales sang siyudad.
(Source: Bacolod City Public Information Office)