Kapin 294 ka mga benepisyaryo ang nakabaton sang financial, medical and burial assistance nga ginpanagtag sa Bacolod Government Center sini nga adlaw.

Suno kay Shanamae Calvo sang Financial and Non-Financial Assistance sa idalum sang Mayor’s Fund, magabaton sing tag isa ka libo tubtob dies mil (1,000 – 10,000) ang mga benepisyaryo gikan sa nagkalain-lain nga barangay sa syudad.

Ini ang nahauna nga hugna sang tagtaganay sang financial assistance, dugang pa ni Calvo, samtang ang ikaduha nga hugna ang ila ipahibalo sa masunod nga mga inadlaw.

Daku guid nga bulig ang financial assistance ni Mayor Albee Benitez para sa gina mintenar nga bulong sang iya bata nga may gina suprer nga balati-an, palayag ni Mario Mayuga sang Brgy. Banago nga isa sa mga benepisyaryo.

Nagapasalamat man si Mayuga sa alkalde bangud sa bulig pinansyal nga iya nabaton.