Agosto 24, 2023 – Nagpatigayon sang miting ang mga katapo sang City Peace and Order Council (CPOC) para sa ila ikatlo nga regular meeting na kung sa diin naghatag sang mga nanari-sari nga mga aksyon kag updates nahanungod sa pagprotekta kag pagpadayon sang kalinong kag seguridad sang mga pumuluyo sang siyudad.

Ginpangunahan ni Councilor Psyche Marie “Pao” Sy kaupod nanday City Legal Officer Atty. Romeo Carlos Ting, Jr., Department of Interior and Local Government City Director kag CPOC Head Secretariat Ma. Joy Maredith R. Madayag, BTAO Head Major Junji Liba, kag mga representante sang BCPO kag DILG.

Ang pagtipon nagbukas sang diskusyon sa mga nagakalain-lain nga mga topiko parehos sang Peace and Order Situation Report para sa 3rd Quarter sang 2023 kag presentasyon sang POPS-PCMS Accomplishment Report sa 1st Semester sa amo man nga tuig.

Sa dugang, yara man ang COMELEC para magpahibalo sang mga anay ginadumilian nga mga butang kaangay sang pagdala sang firearms kag deadly weapons sa mga pampubliko nga lugar para malikawan ang gamo kag indi maayo nga mga hitabo sa palaabuton nga eleksyon.

(Source: Bacolod City Public Information Office)