Agosto 28, 2024 – “Catch me I’m falling” ang pangalan sang proyekto nga ginlunsad sa Brgy. Granada sang LWUA (Local Water Utilities Administration) nga ginapangunahan ni Chairman Ronnie L. Ong, kaupod ang pagpili ni Mayor Albee Benitez sa barangay nga una nga makabaton sang Rainwater Catchment Program.

Ang Rainwater Catchment Program isa ka programa nga nagahatag pamaagi nga magamit ang tubig-ulan sa pang adlaw-adlaw nga gawi sa panimalay. Upod sini ang pagpamayo sang tubig-ulan para malikawan ang pagbaha. Suno kay Ms. Mona Dia Jardin, ang ini nga programa mangin “Transforming Challenges into Opportunities.”

Kaupod sa pagbukas kag paglunsad sang programa nanday Hon. Armando Vito, Brgy. Captain sang Brgy. Granada, General Manager sang BACIWA Ms. Mona Dia Jardin, Board of Directors sang BACIWA Ms. Clarissa L. Araneta, kag Ricci Anne Zayco, Chairman sang LWUA Mr. Ronnie L. Ong, kag LWUA Advocate Ms. Angel Aquino.
(Source: Bacolod City Public Information Office)