Madamo na ang nagdaog sa atun mga Bacolodnon Eco-Warriors sang mga bugas kag padya tungod sa ila mga basura.

Si Moumerto Pamolino, sang Brgy. 13 Purok Boulevard, amung nagdaog sang 1,500 worth of groceries, ginsakdag sang IPM Holdings.

Nagdaog man sang lima ka kilo nga bugas sila Jeffry Tonog, Jonalyn Polpol, Milcon Bahadas Gabriel Bawaan, Marcilino Sffonellya, Lolita Candido kag Justin P. Claridad.

Gani, 𝗠𝗔𝗚𝗣𝗔𝗕𝗔𝗬𝗟𝗢 na sang inyo basura para sa tsansa magdaog sang mga espesyal nga padya kag 5 ka-kilo nga bugas!

Para 𝗠𝗔𝗞𝗔-𝗜𝗡𝗧𝗥𝗔:

1. Ibutang ang basura sa insakto nga sinudlan (ie. garbage bag, sack)

2. Magkadto sa IPM-MRF Center nga nahamtang sa Barangay 13

3. Magpahimo sang bXTRA account sa IPM-MRF center

4. Ipabaylo ang guindala nga basura

Mga basura nga ginabaton: Basura sa balay, opisina, restaurant kag iban pa. Sa kada 1-kilo nga basura makaagum ikaw sang 1 Digital Raffle Entry. Pito (7) ang may tsansa makabatun sang padya kada semana.

Sa Sabado, Pebrero 18, daku ang imo tsansa magdaog bangud 14 ang pagapilion sa raffle para makabatun sang bugas kag iban pa nga padya, ini sa ginasaulog nga Valentine’s season.

Ang amu nga papremyo nagsugod Pebrero 6 tubtob Marso 3 kag Sabado asta Biyernes ang collection schedule. Ini tanan sa inisyatibo sang IPM-CDC.

Para sa dugang nga mga impormasyon, i-click ang https://tiny.one/ipmmrfbrgy13
(Source: Bacolod City Public Information Office)