Pebrero 21, 2024- Isa ka coordination meeting ang ginhiwat para paga-isturyahan ang problema angut sa baha sa Purok Halandumon kag Bayanihan sa Barangay Banago labi nagid sa mga pamalay tupad sini.

Ginpangunahan ni Councilor Vladimir Gonzales ang amo nga pagsinapol kaupod nanday Councilor Pao Sy, Engr. Loben Rafael Ceballos, representante gikan sa Department of Public Works and Highways (DPWH), Bacolod Environment and Natural Resources (BENRO), Disaster Risk Reduction Management Office (DRRMO) Bacolod Housing Authority (BHA) kag Barangay Council sang Barangay Banago.

Tuyo sini nga ma-aksyunan ang problema sang barangay tuhoy sa pagbaha ilabi na ang sa Banago Elementary School nga area. Isa sa mga gina plano amo nga paga bag-uhon kag buhion ang orihinal nga creek agud mas malikawan ang pagbaha nga nagakatabo sa nasambit nga lugar

Maga-inspeksiyon naman sa amo man nga lugar ang DPWH kag CEO agud mahibaluan ang mga maapektuhan sa amo nga mga hilimuon.
(Source: Bacolod City Public Information Office)