September 7, 2023- Isa sa mga programa ni Mayor Albee Benitez sa siyudad sang Bacolod amo ang Asenso Yuhum Housing Project.

Subong nga adlaw ginhiwat ang Banago Yuhum Housing Orientation kag Applicants Reservation sa Bacolod City Government Center lobby nga gin organisa sang Bacolod Task Force Pabahay.

Madamo gid nga pumuluyo sang siyudad sang Bacolod ang nagkadto kag nangin interesado sa proyekto ni MABB nga pabahay program nga nakahamtang sa Brgy. Banago.

Ginpangunahanan man ni Chairman of Housing Committee Councilor Vladi Gonzalez ang orientation kag naghatag man mensahe nanday Head of Sectoral and Executive Assistant Ms. Carmeli Bantug-Zayco kag City Administrator Atty. Pacifico Maghari III para sa mga gusto mag avail sang Pabahay Program. Yara man ang presensya nanday Focal Person sang pabahay Engr. Joel Vergara kag anay Councilor Bart Orola Sr.

Ang ini nga kahiwatan isa sa mga tikang ni Mayor Albee Benitez agud mas mabuligan ang mga pumuluyo nga gusto mag avail diri labi na gid ang mga (ISF) informal settler families. Ini gin tukod man para ang mga pumuluyo may kasiguraduhan sa ila mismo gina istaran.

(Source: Bacolod City Public Information Office)