Setyembre 3, 2023 – “Ang pumuluyo dapat maghimo man sang parte nila. Indi dapat maghaboy sang basura biskan diin, labi na gid sa mga creek kag mga suba,” pahayag ni Mayor Albee Benitez sa iya nga panguna nga mensahe sa tion sang paghatag sang mga relief goods sa bulig sang DSWD sa mga pumuluyo subong nga adlaw sa GK, Banago.

Kaupod ni MABB nanday Councilors Thaddy Sayson, Jason Villarosa, kag Pao Sy, DRRMO Head Dr. Anna Maria Pornan, Engr. Mae Cuaycong, Banago Brgy. Captain Ricky Mijares, kag mga katapo sang DSWD, DRRMO, kag DSSD.

Sa maayo nga pagdumala ni MABB sa tion sang kabudlayan angut sa mga kalamidad, makita sa mga mata kag yuhum sang mga pumuluyo ang kalipay, paglaum, kag dako nga pagpasalamat nga sa tunga sang ila malain nga gin-agyan, indi gid sila pagpabay-an kag may yara bulig nga magaabot.

(Source: Bacolod City Public Information Office)