September 14, 2022 – Cash Assistance halin sa DSWD para sa mga nasunugan sa Brgy. Villamonte gin panagtag na sa ila barangay gym.

Sa tinalikdan nga bulan Agusto 31, 2022 kag sa tinalikdan nga semana September 8, 2022 natabo ang duwa ka sunog sa Greensville kag Purok 49 sa Brgy. Villamonte kung sa diin 3 ka panimalay ang nasunog sa Greensville kag duwa diri naurot gid sunog kag 12 naman ka balay ang gin urot sang kalayo sa Purok 49.

Gani ang DSWD kaupod sang opisina ni Senator Bong Go, opisina ni Cong. Greg Gasataya kag opisina sang siyudad nga gina pangunahan ni Mayor Albee Benitez ang nag buylog sa Brgy. Villamonte kag nagpanagtag sang cash assistance.

Yara man sa pagpanagtag kagapon ang Kapitan sang Brgy. Villamonte nga si Punong Barangay Rommel P. Flores, Ms. Pacita Tero sang Department of Social Services and Development (DSSD) sang siyudad kag mga kagawad sang barangay.

Nagdala man sang mga food packs, vitamins, face masks, kag t-shirts ang opisina ni Senator Bong Go. Nanghatag pa gid sila duwa ka bike, isa ka tablet kag mga bola sang basketball kag volleyball sa mga biktima.

58 ka family heads ang nakabaton 10,000 ka piso. Nadala na diri ang gin buligan man sang DSWD halin sa Brgy. 6 nga tatlo sila ka pamilya kag tatlo man halin sa Pta.Taytay.

Isa sa programa sang Department of Social Welfare and Development (DSWD) ang AICS ukon Assistance to Individuals in Crisis Situations kung sa diin sila magabulig sa mga tawu nga naglabay sa crisis parehos sang nasunugan, nabagyuhan ukon nadulaan pamilya.
(Source: Bacolod Public Information Office)