Ang Barangay Granada MassKara Dancers, kaupod sang ila kapitan nga si Armando Vito kag ang ila mga choreographers nga sanday Joedem Toles Casabuena kag Mark Philip Espiso Lamirez, ang nag courtesy call sa opisina ni Mayor Albee Benitez nga ginpangunahan ni Councilor Jason Villarosa kag Secretary to the Mayor Atty. Marty Go, kaupod man si Tere Quebrar Manalili, Tourism Officer.

Ini nga pagbisita ang bahin sang preparasyon sa pagrepresent sang Bacolod City MassKara Festival sa Sinulog Festival 2025 sa Cebu City, nga kilala bilang Sinulog sa Sugbo World 2025.

Magabiyahe sila buwas, Enero 15, kag magaperform sa Sinulog Parade kag Grand Performance sa Enero 19, halin sa aga tubtob gab-i. May 60 ka mga dancers kag 100 ka mga propsmen nga kabahin sang contingent.

Ini ang ika-tatlo nga higayon nga ang Bacolod City, paagi sa Brgy Granada MassKara dancers, ang naimbitahan sa Sinulog Festival agud magperform, kag tanan nga gasto gincover sang Cebu Government.

(Source: Bacolod City Public Information Office)