September 18, 2024- Paagi sa suporta ni Mayor Albee Benitez, Congressman Stephen Joseph “Caraps” Paduano kag Vice Mayor El Cid Familiaran, 2000 ka mga benepisyaryo sang Ayuda para sa Kapos ang Kita Program (AKAP) Payout sang DSWD ang nakabaton sang balor Php 3,000 subong nga adlaw sa Bacolod City College Gym sa Brgy. Taculing.

Kapin 11 ka mga barangay ang nakabaton sang ila AKAP payout, lakip na diri ang barangay sang Taculing, Granada, Singcang, Bata, Banago, Barangay 23, Barangay 10, Alangilan, Barangay 13, Montevista kag Cabug. Ini ang una nga batch nga kabahin sa 6,000 total beneficiaries sang AKAP payout.

Ang ini nga programa ang ginpangunahan sang DSWD, isa sa mga tikang sang gobyerno para mabuligan ang mga indibidwal nga kapos ang kita, labi na gid para sa mga pamilya nga pigado kag nagakinahanglan sang bulig.
(Source: Bacolod City Public Information Office)