Bacolod City, June 25, 2025- Nagsugod na subong nga adlaw ang libre sakay program sang siyudad sa Brgy. Cabug bilang bahin sang experimental road test para sa mga electric jeepney. Nangin matawhay man ang pagbyahe sang mga drivers sang e-jeep sa amo nga ruta.

Ang ini nga dry-run ang magasugod 9am tubtub 5pm sa adlaw nga Martes kag Miyerkules kag 6am tubtub 4pm naman sa adlaw sang Huwebes asta Sabado.

Tuyo sang sini nga Trial run nga mahibaluan kun ang ini nga ruta kinahanglan nga idugang sa enhanced Local Public Transport Route Plan (LPTRP) sang siyudad agud maserbisyuhan sang maayo ang mga pasahero.
(Source: Bacolod City Public Information Office)