Sa idalum sang LTO Administrative Order No. 2021-039, ginpangunahan sang Bacolod Traffic Authority Office (BTAO) kag Land Transportaion Office (LTO) ang isa ka consultative meeting kaupod ang mga Punong Barangays halin sa nagakalain-lain nga mga barangay sa siyudad subong nga adlaw sang Marso 1 sa BCGC Lobby.

Ginpangunahan ni Mayor Albee Benitez, kaupod nanday SP Chairman on Committee on Transportation Councilor Al Espino, Councilors Em Ang, Simple Distrito, kag Lady Gles Pallen, BTAO Head Patrick Lacson, BTAO Staff Abelardo Cordova, BTAO Traffic Aid I Jeffrey Pequiz, LTO-Bacolod Head Renato Novero, Secretary to the Mayor Atty. Karol Chiu, BCPO Operation Chief Noel Polines, kag HPG Provincial Officer Police Lieutenant Pedro Pericon.

Ang tinutuyo sang miting amo ang para ma enforce ang mga regulasyon tuhoy sa e-bikes para sa ikaayo sang commuting experience sang mga pumuluyo matapos pagadiskusyunan ang guidelines sa electric bike operations. Naghatag man sang oportunidad ang nasambit nga miting sa paghatag solusyon kag sabat sa mga pamangkot sang mga yara sa pagtipon. Na diskusynan man ang posibilidad nga pag-update sang City Ordinance No. 09-17-804 Series of 2017 sang Sangguniang Panlungsod kag dapat may ara gid opisyales sang barangay nga present sa kada violation incident.
(Source: Bacolod City Public Information Office)