February 27, 2024- Mayor Albee Benitez nagpatigayon sang meeting tuhoy sa kakulangan sang supply sang tubig sa Bacolod kaupod sanday Councilors Kalaw Puentevella, Pao Sy, kag ang BACIWA-PRIMEWATER, Bacolod Bulk Water Inc.(BBWI), National Water Resources Board (NWRB), Local Water Utilities Administration (LWUA) kag Water Utilities Division (WUD), subong nga adlaw sa City Mayor’s Office.

Suno sa BACIWA-Primewater, may yara na sang natumod nga mga deepwells nga makahatag sang 15-16 million liters per day (MLD) nga tubig, kalakip na diri ang 5 MLD gikan sa Bukal-bukal sa Alangilan agud mahatagan sang nagakaigi nga water supply ang siudad sang Bacolod.

Pagasugdan naman dayon ang proseso para sa sulod sang tatlo ka bulan mabatyagan na sang pumuluyo ang bastante nga supply sang tubig. Magahatag sang assistance ang siudad sang Bacolod angut sa mga problema sa right of way, ilabi na sa mga national roads nga posible maigo sa pipelaying activity nga pagapatigayunon.

Ang inisyal nga gin istoryahan sa una nga water summit, sa anum ka bulan mabatyagan na ang improvement sa supply. Pero sa sini nga pagsinapol, tinutuyo ni Mayor Albee nga mapanubo sa 3 ka bulan ang paghatag sang supply sang tubig labi nagid subong nga mabatyagan na ang epekto sang El Niño Phenomenon.
(Source: Bacolod City Public Information Office)