Setyembre 19, 2023 – Bilang padayon sa paghatag bulig pinansyal ka-angay sa Medical, Burial, kag iban pa, ginpangunahan sang Department of Social Services Development (DSSD) ang Assistance to Individuals in Crisis Situation (AICS) Distribution nga ginhiwat sa Bacolod City Government Center Lobby.

Ang AICS distribution nagsugod sadtong Setyembre 15 sa Villamonte Gym, kung diin 1,000 ka mga benepisyaryo ang nataga-an sang bulig pinansyal. Dugang diri, ang nabilin na lang nga 500 ka mga benepisyaryo ang magabaton sang balor nga ₱2,000 tubtob ₱10,000, depende sa gina-atubang nga sitwasyon kag suno sa mga dokumento nga ginpasa sang tagsa-tagsa sa sini nga adlaw.

Sa kabilugan, 1,500 nga mga benepisyaryo ang nakabaton sang bulig pinansyal sa ini nga inisyatibo.
(Source: Bacolod City Public Information Office)